Sot një rast tragjik është raportuar në Kosovë, ku dyshohet se pesë persona kanë dhunuar një 11-vjeçare në Pishtinë.
Ish-presidentja Atifete Jahjaga ka thënë se ka mbetur e shokuar nga ky rast.
Ajo më tej u ka bërë thirrje organeve të drejtësisë që t’i dënojnë sulmuesit me të gjithë forcen e ligjit, ndërsa shtoi se organet e tjera të merren sa më parë me rehabilitimin psikologjik të viktimës.
“Shoqëria jonë duhet t’i dënojë ashpër veprimet e tilla, si dhe të gjithë ne kolektivisht duhet të punojmë që viktimave tu japim gjithë mbështetjen e nevojshme”, shkroi ajo.
Ajo më tej ka thënë se aktet e tilla nuk i kanë hije Kosovës.
“Aktet e tilla çnjerëzore nuk i kanë hije Kosovës, kemi mjaft plagë të hapura. Dhuna ndaj grave e vajzave duhet të marrë fund një herë e përgjithmonë!”, shkroi ajo.