Qeveria e Katarit ka reaguar duke shprehur “dënimin e saj të ashpër” ndaj sulmit ndaj bazës ajrore Al-Udeid, raporton BBC.
Zëdhënësi zyrtar i Ministrisë së Punëve të Jashtme, Majed al-Ansari, ka shkruar në platformën X (ish-Twitter):
“E konsiderojmë këtë një shkelje të rëndë të sovranitetit të Shtetit të Katarit, të hapësirës së tij ajrore, të së drejtës ndërkombëtare dhe të Kartës së Kombeve të Bashkuara.”
Ai shtoi se sistemet e mbrojtjes ajrore të Katarit “kanë zmbrapsur me sukses sulmin dhe kanë ndërprerë raketat iraniane”, dhe se baza ishte evakuuar më herët.
“U morën të gjitha masat e nevojshme për të siguruar sigurinë e personelit në bazë, përfshirë pjesëtarët e Forcave të Armatosura të Katarit, forcat aleate dhe të tjerë.”
Ai konfirmoi gjithashtu se “nuk ka të lënduar apo viktima njerëzore si rezultat i sulmit.”
Zëdhënësi përfundoi duke thënë se Katar rezervon të drejtën për të reaguar “në përputhje me natyrën dhe shkallën e këtij agresioni të guximshëm”.
The State of Qatar strongly condemns the attack that targeted Al-Udeid Air Base by the Iranian Revolutionary Guard. We consider this a flagrant violation of the sovereignty of the State of Qatar, its airspace, international law, and the United Nations Charter. We affirm that…
— د. ماجد محمد الأنصاري Dr. Majed Al Ansari (@majedalansari) June 23, 2025