Deputetja britanike, njëherit kryesuese e Komitetit për Politikë të Jashtme në Parlamentin e Britanisë së Madhe, Alicia Kearns është deklaruar pas vizitës së saj treditore në Kosovë gjatë kësaj fundjave.
Në mesin e fotografive që përshkruan këtë vizitë, Kearns ka ndarë edhe pamjet e vizitës te familja e heroit, Afrim Bunjaku.
”Jam nderuar nga familja e Afrim Bunjakut, policit të vrarë nga terroristët e 24 shtatorit. Me dashamirësi më ftuan në shtëpinë e tyre që të shpreh ngushëllimet e mia. Fjalët e mia nuk ua larguan kurrë dhimbjen, por Afrimi shpëtoi jetë atë ditë dhe unë doja të bëja nderimet e mia”, ka shkruar deputetja britanike.