KFOR-i turk ka vazhduar patrullimet në pikën kufitare mes Kosovës dhe Serbisë.
Sipas njoftimit të NATO-s, ushtarët e KFOR-it kryejnë patrullime ditore gjatë ditës dhe natës përgjatë kësaj vije kufitare
“Ushtarët turq të dislokuar në Kosovë si pjesë e KFOR-it kryejnë një patrullë sigurie përgjatë vijës kufitare administrative. Ushtarët e KFOR-it kryejnë patrullime ditore gjatë ditës dhe natës përgjatë ABL”, thuhet mes tjerash në postimin në Facebook.
Po ashtu, KFOR-i edhe në herë është zotuar për të ofruar një mjedis të sigurt për të gjitha komunitetet që jetojnë në Kosovë.
“KFOR-i është plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt për të gjitha komunitetet që jetojnë në Kosovë dhe lirinë e lëvizjes”, vazhdon njoftimi.