Kryetari i Sindikatës së Pavarur të Sektorit Privat të Kosovës, Jusuf Azemi, ka thënë se nesër do të pranojë ofertën nga Komuna e Prishtinës lidhur me pagat e punëtorëve që janë në grevë.
Ai ka shkruar në rrjetin social Facebook se pas kësaj oferte, anëtarët e sindikatës do të ftohen dhe do të vlerësojnë së bashku se a është e pranueshme kjo ofertë.
“Nesër pritet që komuna e Prishtinës të më ofroi ofertën për rritjen e pagës për puntorët që janë në grevë , dhe pas kësaj oferte të gjithë anëtarët e sindikatës do të ftoheni dhe do vlerësojmë kët se a do të jet e pranueshme për ne apo jo”, tha ai
Tutje, Azemi tha se greva do të vazhdojë deri në një vendim të radhës.