Ylli brazilian Neymar do të jetë i gatshëm të luajë sot ndaj Koresë së Jugut.
Kështu tha trajneri i tij, Tite, dje në koferencën për media, para ndeshjes.
30-vjeçari humbi dy ndeshje në grup pasi dëmtoi kyçin e këmbës gjatë fitores hapëse të Brazilit ndaj Serbisë.
Megjithatë, ai është rikthyer në stërvitje me bashkëlojtarët e tij, me trajnerin Tite që konfirmon se është mjaftueshëm i aftë për të luajtur.
“Ai do të stërvitet dhe nëse stërvitet mirë, do të luajë”, tha Tite dje në konferencë për media.
“Ai kishte një program të veçantë stërvitor, nuk dua të dal përpara, nuk jap informacione që nuk janë të vërteta”.
“Gjatë gjithë karrierës sime kam pasur gjithmonë besueshmëri. Ai do të stërvitet dhe nëse është mirë, do të luajë. Nuk do të them asgjë për 10 lojtarët e tjerë”.