Mbrëmë në fshatin Jashanicë të Klinës ndodhi një konflikt mes disa personave, ku njëri u plagos me armë zjarri dhe dy të tjerë me mjete të forta.
Sipas nënës së viktimave, konflikti kishte rrënjë nga një mosmarrëveshje e vjetër lidhur me një kafshë të goditur nga viktimat, çështje që ishte zgjidhur më herët mes familjeve, njofton Klankosova.
Dy vëllezërit, të sapoardhur nga Italia, u takuan për kafe me të dyshuarin, moment pas të cilit shpërtheu konflikti.
I dyshuari është arrestuar, ndërsa tre të plagosurit po trajtohen në Spitalin e Pejës, ku njëri prej tyre është në gjendje të rëndë shëndetësore.