Telenews

Konkursi për rreshterë, vazhdon favorizimi i gjeneratës me familjarë të eprorëve policorë

Tri qendra në tri komuna janë vënë të shtunën në dispozicion për 2 mijë e 230 policë.

Ata i janë nënshtruar testit me shkrim në kuadër të konkursit për gradim nga polic i lartë në rreshter, pozitë për të cilën janë vetëm 355 vende të lira.

Por, në testim kanë marrë pjesë edhe pjesëtarë të gjeneratës së 54-të të Policisë, për të cilët Dukagjini tash e disa ditë ka raportuar që janë lejuar të aplikojnë jashtëligjshëm në këtë konkurs.

Zyrtarët e kësaj gjenerate akoma nuk i kanë mbushur dy vjet në gradë n “Polic i lartë”, gjë që është në kundërshtim me “Udhëzimin administrativ për procedurën e gradimit të zyrtarëve policorë”.

Neni 13 i këtij udhëzimi thotë se “Polici i lartë kërkohet të ketë minimumin e qëndrimit në gradë dy vite, i diplomuar në shkollën e mesme dhe ndaj të cilit mos të jetë shqiptuar ndonjë masë disiplinore për shkelje të rënda disiplinore apo vepër penale”, në mënyrë që t’i mundësohet gradimi.

Dyshohet se pjesë e kësaj gjenerate janë disa familjarë të zyrtarëve të ndryshëm të lartë të Policisë, mirëpo vet institucioni ka injoruar pyetjet e Dukagjinit për këtë aspekt.

Ndërsa, pjesëmarrjen në konkurs të policëve që nuk i plotësojnë kriteret ligjore, Policia e kishte arsyetuar duke thënë se trajnimi i gjeneratës 54 në Akademi ka zgjatur më shumë se ai i gjeneratave të tjera.

Sipas, Policisë kjo është arsyeja pse kjo gjeneratë ka 5 vjet përvojë pune në Polici, por nuk ka arritur të plotësojë këto dy vitet e qëndrimit ne gradën e policit të lartë.

Pas raportimit të Dukagjinit, televizioni merr vesh se zyrtarët e Policisë janë mbledhur në dy takime, por konkursi për rreshter nuk ndryshoi.

Për këtë çështje, Inspektorati i Policisë i kishte thënë televizionit se këto informata do t’i verifikojë dhe varësisht nga të gjeturat do të procedojë sipas kompetencave të saj.

Procesi i gradimit për rreshter po ndodhë pas më shumë se tetë vitesh. Pos testit me shkrim, zyrtarët policorë pritet t’i nënshtrohen edhe procedurave tjera të procesit të gradimit.

source

Të ngajshme

25 vjetori i Masakrës së Tuzusit, Osmani: Vendosja e drejtësisë për viktimat është përkushtim i çdoditshëm i yni

Haradinaj për Masakrën e Tusuzit: Dëshmi e gjallë e barbarisë serbe mbi civilë të pafajshëm

Në pritje të hapjes së shkollës në Obrançë të Podujevës, prindërit kërkojnë transport për fëmijët