Kryetari i Partisë Demokratike të Kosovës, Memli Krasniqi, e ka uruar 28 Nëntorin teksa ka ndarë një fotografi me presidentin shqiptar, Bajram Begaj, dhe të birin e ish-kryeministrit të Kosovës, Hashim Thaçi, Endrit Thaçin.
“Në pritjen shtetërore për shënimin e 111 vjetorit të Pavarësisë së Shqipërisë, në Tiranë, fatkeqësisht, mungon fizikisht njeriu që e shpalli Pavarësinë e Kosovës. Por, fatmirësisht, nuk mungon edhe pasardhësi i tij”, ka shkruar Krasniqi duke iu referuar të birit të Thaçit.
Ai është shprehur se iu uron pavarësinë e Shqipërisë bashkë me Endritin, të gjithë shqiptarëve e posaçërisht çlirimtarëve tanë në Hagë.
“’Nga Shqipëria, bashkë me Endritin, ju urojmë përzemërisht 28 Nëntorin të gjithë shqiptarëve, e posaçërisht çlirimtarëve tanë në Hagë. Si individë dhe si popull, me mendje dhe zemër sot jemi pranë tyre, ashtu siç e dijmë që edhe ata, me mendje e me zemër, janë pranë nesh.