E ngarkuara me Punë e Misionit të Shteteve të Bashkuara të Amerikës në Republikën e Kosovës, Anu Pratipati, ka qendruar sot në ambientet e Devolli Corporation në Pejë.
Diplomatja amerikane ka vizituar fabrikën e kafesë “Prince Cafe” ku është pritur nga Shkëlqim Devolli me bashkëpunëtorë.
Aksionari Devolli ia ka treguar diplomates procesin e punës në fabrikë, si dhe aktivitetin e përgjithshëm të Devolli Corporation.
Aty është diskutuar edhe për bashkëpunimin e njësive të korporatës me Shtetet e Bashkuara të Amerikës, me theks të veçantë fushën e dyshekëve, patundshmërisë dhe kafesë.
Diplomatja Pratipati ka folur për rëndësinë e thellimit të bashkëpunimit ndërmjet bizneseve amerikane dhe atyre kosovare, duke e marrë shembullin e kompanive të Devollit.
Sipërmarrësi Devolli e ka falenderuar përfaqësuesen e shtetit amerikan, duke e ftuar që ta vizitojë edhe Comoditan në Gjakovë dhe M&Sillosi në Rahovec.
