Pritja dy mujore e minatorëve të “Stan Tërgut” për t’i marrë pagat, mund të marrë fund javës që vjen.
Kështu të paktën ka paralajmëruar kryeshefi i Trepçës Bashkim Kurti, pas një takimi që ka zhvilluar të premten me ministren e Ekonomisë, Artane Rizvanolli
Kurti ka thënë se beson se në fillim të javës së ardhshme do të dalin pagat dhe se minatorët do t’i kthehen punës.
“Ne kemi takime të rregullta në baza ditore. Sot jemi takuar me ministren Rizvanolli dhe kryesuesin e bordit për sqarime shtesë dhe po besoj se në fillim të javës së ardhshme do dalin pagat dhe minatorët do t’i kthehen punës”, ka thënë Bashkim Kurti për Dukagjinin.
Dy ditë më parë, Qeveria përmes një reagimi është zotuar për angazhim në gjetjen e një zgjidhjeje, por duke theksuar se përkrahja financiare varet nga zotimi se do të ulen shpenzimet dhe do të rifillojë rritja e prodhimit.