Grafiti provokues “Kur ushtria të kthehet në Kosovë” është shfaqur edhe në Budva të Malit të Zi. Lajmin e ka bërë të ditur analisti malazez, Ljubomir Filipović, i cili tha se ky grafit shfaqet në kuadër të provokimeve të vazhdueshme serbe.
“Pankarta e madhe ‘Kur ushtria (serbe) kthehet në Kosovë’ u shfaq sot në vendlindjen time Budva. Përveç kësaj, tashmë prej dy muajsh, në gjithë qytetin tonë të vogël janë mbi 30 billborde nacionaliste serbe. Ata thonë se malazezët nuk ekzistojnë si një komb i veçantë”, ka shkruar ai.
Kohë më parë ky grafit ishte shfaqur edhe në Kosovë, duke përfshirë oborrin e Shkollës Teknike në Mitrovicën e Veriut.