Kryeministri në detyrë, Albin Kurti, është pyetur edhe mbi deklaratat e presidentit amerikan, Donald Trump se ndali një konflikt mes Kosovës dhe Serbisë.
Kurti tha se nuk ka informacione dhe se s’i di planet e Shteteve të Bashkuara të Amerikës.
“Është vështirë të them sepse nuk mund t’i di planet që i kanë, s’i kam as informacionet e tyre, me siguri Shtëpia e Bardhë ka më shumë informacion se çfarë synimesh ka pasur Serbia dhe mund të kenë vepruar kundër tyre, faleminderit shumë“, tha Kurti në TËVË1.
“Por ato informacione që kanë ata se çfarë ka bërë si plan konkret kundër Kosovës, ne nuk e dimë. Organet tona bashëpunojnë me ShBA-në, mbase një ditë do t’i kemi ato informacione, por aktualisht nuk i kemi ato”, – tha ai.