Kryeministri i Kosovës, Albin Kurti, në Japoni është pritur nga homologu i tij, Fumio Kishida, ku i ka kërkuar atij që ta vizitojë Kosovën.
Takimi ka ndodhur të mërkrën në rezistencën shtetërore.
Përmes një postimi në Facebook, Kurti ka treguar për raportet miqësore Kosovë-Japoni.
“Tregova për të arriturat socio-ekonomike të Kosovës dhe interesimin tonë për investime nga Japonia, teksa konfirmova pjesëmarrjen tonë në EXPO Osaka 2025. Japonia është vend shumë i rëndësishëm i G7, me të cilën ne ndajmë pikëpamje të njëjta vlerore dhe strategjike”, ka thënë Kurti.
Kreu i ekzekutivit ka udhëtuar në Japoni për të marrë pjesë në ceremoninë e varrimit ish-kryeministrit japonez, Shinzo Abe, i cili u ekzekutua.
E pasardhësi i Abe e ka përshendetur popullin e Kosovës përmes Kurtit.
“Në fund të takimit Kryeministri Kishida më tha të përcjell përshëndetjet e tij për popullin e Kosovës, kurse unë e ftova ta vizitojë Kosovën në një të ardhme të afërt”, përfundoi Kurti.