Një shqiptar ka qëlluar për vdekje pronarin e një restoranti në Gjermani.
Ngjarja e rëndë ka ndodhur para një restoranti në qendër të qytetit në Duseldorf.
Gazeta Insajderi mëson se i dyshuari është Rrustem Llapi. Ai është arrestuar nga policia.
![](https://www.gazetaexpress.com/wp-content/uploads/2024/04/r-16-1000x531.jpg)
Derisa, raportohet se i vrarë ka mbetur Aleksandër Stefanoviç, me nacionalitet serb, i njohur për arte marciale.
![](https://www.gazetaexpress.com/wp-content/uploads/2024/04/rr-4-1000x525.jpg)
Sipas mediave vendase, pronari 38-vjeçar i një lokali në Herzogstraße në lagjen Friedrichstadt ka debatuar me një shqiptar 52-vjeçar me origjinë nga Kosova. Ata dolën jashtë restorantit për të zgjidhur debatin me tyre, por sherri u përshkallëzua dhe 52-vjeçari ka nxjerrë papritur armën dhe ka qëlluar disa herë viktimën.
Pak më vonë, policia ka mundur të arrestojë pa rezistencë një person të armatosur me armë zjarri para lokalit.