Policia e Kosovës ka arritur ta arrestojë të riun që gjuajti me armë zjarri në rrugën “Zahir Pajaziti” në Podujevë, duke terrorizuar qytetarët.
Lajmin e konfirmoi Policia Rajonale e Prishtinës, ndërsa mediat lokale atje raportojnë se i dyshuari është Fatbardh Hamza.
“Rreth orës 13:30 është raportuar për një gjuajtje me armë zjarri në rrugën ”Zahir Pajaziti” në Podujevë. Menjëherë pas marrjes së informatës policia ka dalë në vendin e ngjarjes dhe ka arrestuar personin e dyshuar”.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.