Pas një kohe të gjatë dhe pritje me vite të tëra, duket se më në fund ka filluar renovimi i shkallëve famëkeqe tek Posta e madhe në Prishtinë.
Përkundër ankesave të shumta dhe pakënaqësive të qytetarëve, asnjë pushtet nuk kishte marrë mundin që të plotësojë kërkesat e tyre e duket se Përparim Rama ka vendosur ti ndëgjojë qytetarët.
Këto shkallë shumë të frekuentuara në vazhdimësi kanë rrezikuar jetën e qytetarëve, për shkak të dëmtimeve të shumta që kishin pllakat e tyre, por që deri tani nuk ishte ndërmarrë asnjë hap për rregullimin e tyre.
Vrojtuesit e lagjes në Prishtinë, nëpërmjet një fotografie sot kanë konfirmuar nisjen e punimeve në këtë pjesë të kryeqytetit, që për vite me radhë ka qenë e harruar nga Komuna e Prishtinës. /Telenews.al/
