Policia e Kosovës ka arritur ta identifikoj të dyshuarin, i cili sot gjatë ditës ka goditur një këmbësore, në Fushë Kosovë.
Raportohet se i njëjti aktualisht është duke u intervistuar nga Policia.
Vajza që u shkel me veturë u dërgua në gjendje të rëndë në Emergjencë të QKUK-së, ku u trajtua derisa u transferua në Klinikën e Mjekimit Intensiv.
Drejtori i Klinikës së Mjekimit Intensiv, Shaqir Uka, se gjendja e saj vazhdon të jetë e rëndë.
“Lëndimet janë shumë të rënda, ka lëndime në regjionin e kokës, në regjionin e gjoksit, në regjionin e komplikut dhe në pjesën e nënsqetullës ka një ndërhyrje, e cila është sanuar dhe i është futur në gips për momentin”.
“Gjendja e përgjithshme e pacientit vazhdon me qenë për momentin relativisht stabile, pas marrjes së tretmanit mjekësor në përgjithësi është në gjendje të rëndë, sepse lëndimet janë shumë serioze. Vazhdon me qenë ende nën efektin e barnave”, deklaroi ai.