Liverpooli thuhet se synon qendërmbrojtësin e Interit, Alessandro Bastoni si një përforcim të mundshëm në mbrojtje gjatë verës.
Sipas mediumit Fichajes, Reds e duan mbrojtësin italian të Nerazzurrëve dhe janë gati të ofrojnë 75 milionë euro, po aq sa vlen Bastoni në treg.
Duke marrë parasysh largimin e mundshëm të Virgil van Dijk, Reds po synojnë të gjejnë një zëvendësues të besueshëm dhe italiani konsiderohet si kandidati ideal.
25-vjeçari Bastoni është një lojtar kyç i Interit dhe një nga mbrojtësit më të mirë në Serie A.
Besueshmëria e tij, inteligjenca taktike dhe aftësia për të luajtur jashtë presionit e bëjnë atë një opsion tërheqës për Ligën Premier.
Vendimi përfundimtar do të varet nga negociatat mes klubeve dhe vullneti i lojtarit.
Gjithashtu, këtë sezon, Bastoni ka shënuar 1 gol dhe ka dhënë 5 asistime në 41 ndeshje për Interin në të gjitha garat.