Prishtina po përgatitet të bëhet zemra sportive e Mesdheut në vitin 2030, duke pritur një edicion historik të Lojërave Mesdhetare. Me 24 disiplina sportive të konfirmuara deri tani – një numër që mund të zgjerohet – Kosova po tregon se është gati të ngrejë standarde të reja organizimi dhe mikpritjeje.
Prej këtyre 24 sporteve, 21 i përkasin disiplinave olimpike, duke e renditur ngjarjen në një nivel të lartë prestigji ndërkombëtar. Ndërkohë, 3 disiplina jo-olimpike i japin programit sportiv një diversitet të veçantë, duke zgjeruar horizontin e pjesëmarrjes dhe interesimit.
Programi sportiv i Prishtina 2030 përfshin një gamë të gjerë disiplinash — nga ato që kërkojnë mjeshtëri individuale te sportet që ndërtojnë sinergji ekipore. Ky diversitet përfaqëson thelbin e sportit modern: shumëdimensionale, gjithëpërfshirëse dhe frymëzuese.
Kosova hyn në këto lojëra me një bazë solide: 21 nga 24 sportet kanë federata të konsoliduara kombëtare, të njohura nga organet ndërkombëtare të sportit. Kjo dëshmon përkushtimin e vendit për të zhvilluar sportet olimpike dhe jo vetëm.
Kjo infrastrukturë sportive është ndërtuar me vite pune, aftësim profesional dhe rezultate që tashmë e kanë vendosur Kosovën në skenën globale — veçanërisht në sporte si xhudo, atletika, karateja, hendbolli dhe të tjera.
Mbiten tre sportet për të cilat ende nuk ekzistojnë federata të mirëfillta kombëtare:
-
Noti me palë përfin,
-
Kanoe/rowing,
-
Bowls.
Por Kosova nuk e sheh këtë si pengesë përkundrazi, si një mundësi të re zhvillimi. Në Librin e Zotimeve, vendi është angazhuar të krijojë federatat përkatëse për këto disiplina, duke hapur derën për sportistë të rinj, trajnerë të rinj dhe kapituj të rinj në historinë sportive të Kosovës.
Ky zotim tregon seriozitetin dhe vizionin e organizatorëve për të garantuar që çdo sport i programit të integrohet në mënyrë të strukturuar dhe profesionale.
Organizimi i Lojërave Mesdhetare nuk është vetëm një sfidë logjistike. Është një projekt që preket çdo aspekt të jetës: nga infrastrukutra deri te ekonomia, nga energjia rinore e vullnetarëve deri te imazhi ndërkombëtar i vendit.
Prishtina po merr rolin e saj me seriozitet e entuziazëm dhe me vizionin që kjo ngjarje të mbetet në histori si një moment transformues për sportin Kosovar dhe për gjithë rajonin.