Presidenti francez, Emmanuel Macron, ka deklaruar të mërkurën se shkelja e hapësirës ajrore të Polonisë gjatë një sulmi rus në Ukrainën perëndimore është e papranueshme.
Ai ka njoftuar se së shpejti do të zhvillojë një bisedë telefonike me sekretarin e Përgjithshëm të NATO-s, Mark Rutte.
“Ne nuk do të bëjmë kompromis për sigurinë e aleatëve tanë.”, ka shkruar Macroni në X.
Ndërkohë, presidenti ukrainas, Volodymyr Zelensky, ka thënë se tetë dronë rusë kanë shkelur hapësirën ajrore të Polonisë të mërkurën.
Sipas tij, kjo shënon një precedent të rrezikshëm për Evropën.