Ruud van Nisterlooy do të jetë trajner i përkohshëm, ndërsa favoriti për ta zëvendësuar ten Hag, pritet të jetë Ruben Amorim.
Pas rezultateve të dobëta gjatë këtij sezoni, e sidomos pas humbjes nga West Ham United, në ndeshjen e fundit me rezultat 2 me 1, Erik ten Hag është shkarkuar sot nga pozita e trajnerit të “Djajve të Kuq”.
Tekniku holandez udhëhoqi skuadrën e Manchester United që nga vera e vitit 2022 dhe përgjatë këtyre dy viteve, ai ka arritur të fitoj EFL Cup dhe FA Cup, ndonëse pritshmërit ndaj tij ishin shumë më të mëdha.
Gjithsesi klubi ka filluar menjëherë interesimin për të e zëvendësuar ten Hag dhe emri kryesor që pritet të jetë tekniku i ri i Manchester United, është trajneri aktual i Sportingut të Lisbonës, Ruben Amorim.
Amorim ka menaxhuar klube si Casa Pia e Braga B, ndërsa nga viti 2020, është duke udhëhequr Spotingun e Lisbonës dhe ka fituar dy herë “Taca de Liga” dhe dy herë “Primeira Liga”.
Bisedimet kanë filluar që sot, ndërsa për vendimin final pritet të shihet. Megjithatë, ish legjenda e Manchester United, Ruud van Nisterlooy është emëruar trajner i përkohshëm.
Përndryshe 54 vjeçari ten Hag, hynë në listën e trajnerëve tjerë, së bashku me Ralf Rangnick, Ole Gunnar Solskjaer, Jose Mourinho, Louis van Gaal dhe David Moyes, të cilët nuk arritën suksese të kënaqshme që nga largimi i Alex Ferguson në vitin 2013.