Një aksion i gjerë hetimor është duke u zhvilluar sot nga Krimet Ekonomike të Policisë së Kosovës, në koordinim edhe me Prokurorinë Themelore në Prizren dhe të asistuar nga njësi tjera policore, ndaj personave të dyshuar për manipulime me vota gjatë procesit të numërimit.
Burime bëjnë të ditur se rreth 100 persona janë cak i këtij operacioni policor, shumica prej të cilëve zyrtarë të angazhuar më 28 dhjetor, në ditën e zgjedhjeve parlamentare.
Aksioni po vijon, ndërsa pritet që Policia e Prokuroria të japin më shumë detaje gjatë ditës.