Kanë përfunduar dy ndeshjet derbi të javës së 27-të në Superligën e Kosovës.
Lideri i tabelës, Ballkani, ka luajtur baras me Prishtinën duke rrezikuar kështu seriozisht pozitën e parë, që nesër mund t’i merret nga Llapi, nëse arrin fitore ndaj Lirisë.
Përballja e luajtur në “Sami Kelmendi” të Lipjanit përfundoi pa gola.
Ballkani pas këtij barazimi ka 53 pikë, tani vetëm dy më shumë se Llapi, që mban pozitën e dytë.
Prishtina mbetet e pesta në tabelë me 39 pikë të grumbulluara.
Edhe derbi tjetër, mes Malishevës dhe Dritës, përfundoi pa fitues.
Takimi në stadiumin “Liman Gegaj” u mbyll me rezultatin 1:1, me të dy golat të shënuar në pjesën e parë.
Gjilanasit kaluan të parët në epërsi me golin e Ensar Huruglicës (10′), teksa malishevasit barazuan përmes Altin Aliut (23′).
Drita mbetet e treta në tabelë me 51 pikë, e ndjekur nga Malisheva që ka tri pikë më pak.