Ehat Miftaraj nga Instituti i Kosovës për Drejtësi, ka thënë se nënkryetari i Listës Serbe, Milan Radoiçiq, i cili kërkohet për vepra penale që lidhen me vrasjet e serbëve në Kosovë dhe krim të organizuar, po gjen mbrojtje dhe imunitet nga shteti serb.
Miftaraj i bëri këto komente pasi Radoiçiq sot u pa në takim krah për krah me presidentin e Serbisë, Aleksandar Vuçiq, përderisa po mbahet takimi me përfaqësuesit e serbëve të Kosovës.
“Bashkimi Evropian, Borell, Komisioni Evropian nuk munden mi mbyll sytë dhe me toleru që Serbia të kthehet ne parajsë të krimineleve që kryejnë vepra penale në Kosovë”, ka shkruar Miftaraj në Facebook.