Milani ka shënuar fitore ndaj Romës me rezultat 3-1 për të kaluar në gjysmëfinale të Kupës së Italisë.
Nga minutat e para, Milani vendosi dominimin, duke renditur rastet, ku nuk vonoi dhe erdhi edhe goli i epërsisë.
Në minutën e 16-të, Theo Hernandez asistoi te Tammy Abraham që shënoi për 1-0.
E njëjta dyshe, ishte në aksion edhe në minutën e 42-të, kur Hernandez asistoi te Abraham që shënoi për 2-0.
Roma e nisi shumë mirë pjesën e dytë, duke ngushtuar rezultatin në 2-1, pas një goli të Artem Dovbyk.
Në minutën e 60-të, Milani futi në lojë dyshen e ardhur në afatin kalimtar dimëror, Santigo Gimenez dhe Joao Felx.
Dyshja kombinuan bukur, me Felix që shënoi gol në debutim për 3-1.
Brenda një minute, të dy ekipeve iu anulua nga një gol, për pozitë jashtë loje.
Deri në fund nuk kishte më gola të tjerë dhe Milani siguroi një vend në gjysmëfinale.