Telenews

Ministri Aliu: Hekurudha Durrës – Prishtinë po jetësohet

Ministri i Infrastrukturës, Liburn Aliu, ka bërë të ditur se pas një sërë takimesh, përfshirë edhe atë me deputetin britanik, Martin Vickers, dhe përfaqësuesit e Export Finance (UKEF), projekti për ndërtimin e linjës hekurudhore Durrës-Prishtinë “po jetësohet”.

Ky projekt, sipas tij, do të ndihmojë në bashkimin ekonomik të dy vendeve.

Në një takim në Tiranë, ministri Aliu dhe ekipi i tij diskutuan për vazhdimësinë e ndërtimit të kësaj hekurudhe, e cila do të shërbejë si një lidhje e shpejtë për pasagjerët dhe mallrat në mes të dy vendeve.

“Sot, në Tiranë, bashkë me kolegë e bashkëpunëtorë, patëm takim pune për të diskutuar vijimësinë e ndërtimit të hekurudhës më të rëndësishme kombëtare, Durrës-Prishtinë, që njëherit do të kontribuojë në një lidhje të shpejtë të pasagjerëve dhe mallrave. Në takim ritheksova se krijimi i linjës hekurudhore është zgjidhja më ekologjike e ndërlidhjes tonë me Shqipërinë”, ka shkruar ai në Facebook.

Ai gjithashtu ka theksuar se kjo linjë hekurudhore është zgjidhja më ekologjike për të lidhur Shqipërinë.

source

Të ngajshme

Mbytet një person në plazhin e Velipojës

Donat Hashani

Safet Gjici dënohet me kaq vite burgim

Donat Hashani

Kryeziu kundërshton KQZ-në për heqjen e sprejit në gishta me rastin e zgjedhjeve

Donat Hashani