Ministri i Kulturës, Hajrulla Çeku, ka reaguar ashpër pas disa incidenteve të sontme në Skenderaj, ku disa përkrahës të PDK-së, brohoritnin “Thaçi, Thaçi” dhe ndezën mjete pirroteknike e fishekzjarre, me të hyrë Kurti në këtë komunë për tubimin që do të zhvillonte në kuadër të fushatës.
Çeku në postimin e bërë kundër këtyre personave, potencoi se “politika primitive nuk kalon”.
Ai pretendon se partia e tij po thyen bastionet në Skënderaj e në Deçan.
Reagimi i tij i plotë:
Disa qyqanë të orkestruar nga partia paskan tentu me e pengu tubimin e Vetëvendosjes në Skënderaj. Për çudi, komuna paralele e Serbisë atje nuk ju bënte fort përshtypje.
Harroni që na ndalni. Po thyejm bastione një nga një, cep më cep. Dje në Deçan, sot në Drenicë, e çdo ditë deri në 500 mijë zemrat e 9 shkurtit.
Politika primitive nuk kalon.