Telenews

Miratohet Projektligji për Ofruesin e Shërbimeve të Navigacionit Ajror

Sot është miratuar Projektligji për Ofruesin e Shërbimeve të Navigacionit Ajror.

Këtë e ka bërë të ditur ministri i Infrastrukturës, Liburn Aliu, i cili ka thënë se përgjegjësi e këtij projektligji është ofrimi i shërbimeve të kontrollit të navigacionit ajror për çdo fluturim që qarkullon në territorin e Kosovës.

“Projektligji për Ofruesin e Shërbimeve të Navigacionit Ajror është hartuar në bazë të rregullave të përcaktuara me Rregulloren e Qeverisë së Kosovës, ku janë marrë për bazë të gjitha Direktivat e BE-së, që ndërlidhen me shërbimet e navigacionit ajror të transpozuara përmes akteve nënligjore nga Autoriteti i Aviacionit Civil, siç edhe e obligon Marrëveshja shumëpalëshe për Themelimin e Hapësirës së Përbashkët Evropiane të Aviacionit”, ka shkruar ministri Aliu.

Më tej, ai ka theksuar se ky projektligj ka për qëllim sigurimin e hapësirës ajrore të Kosovës, për të cilën ka përgjegjësinë e ofrimit të shërbimeve të kontrollit të navigimit ajror për çdo fluturim që qarkullon në territorin e Kosovës.

“Hartimi i këtij projektligji me propozimet për zbatim më të lehtë të tij, rezulton në plotësimin e prioriteteve të Qeverisë për sundimin e ligjit”, ka thënë tutje ministri Aliu.

 

source

Të ngajshme

Sveçla me çiklistët shkojnë në Bërnjak, bëjnë homazhe edhe te pllaka e heroit Enver Zymeri

Lancaster: Aleatët të konsultohen për të avancuar statusin e Kosovës në NATO

Gërvalla bën ftesë për aplikim për diplomatë të rinj: Kosova dhe diplomacia ka nevojë për ju