Kryetari i Komunës së Skenderajt, Fadil Nura, dhe nënkryetari Sami Lushtaku, pritën sot në takim aktivistin e njohur Esat Shala, i cili ka dhënë një kontribut të jashtëzakonshëm në mbledhjen dhe dokumentimin e fakteve mbi krimet serbe gjatë luftës në Kosovë.
Me këtë rast, në emër të gjeneralit Sami Lushtaku, Shalës iu nda një mirënjohje me motivacion:
“Për kontributin e jashtëzakonshëm në promovimin e luftës së Ushtrisë Çlirimtare të Kosovës dhe dokumentimin e krimeve serbe përmes grumbullimit dhe publikimit të videoxhirimeve autentike të luftës në Kosovë, duke punuar çdo ditë në misionin e tij të shenjtë për zbardhjen e të vërtetës.”
Ky vlerësim shënon edhe njëherë rëndësinë që ka ruajtja e së vërtetës historike dhe nderimi për ata që punojnë pa u ndalur për të dëshmuar realitetin e asaj periudhe të rëndë të historisë sonë.