Modelja dhe influencerja, Sara Gjoka, ka qenë së fundmi e ftuar në studion e “Top Albania Radio”, ku gjatë intervistës me prezantuesin Ronaldo Sharka ka bërë një deklaratë që ka tërhequr vëmendjen e publikut.
Sharka i kërkoi modeles të përmendte një personazh të famshëm që i ka shkruar në Instagram, por që ajo e ka refuzuar.
“Na thuaj emrin e një personazhi të famshëm i cili ka lënë nam duke të të shkruar në Instagram dhe ti e ke refuzuar”, e pyeti Ronaldo.
– YouTube www.youtube.com
Sara u tregua e drejtpërdrejtë në përgjigjen e saj, duke përmendur emrin e këngëtarit Robert Berisha.
“Robert Berisha. Nuk më bezdis, sepse mesazhet që më shkruan ai mund t’i shkruajnë edhe 30 veta, edhe 50 veta. Por meqenëse është emër publik, po e them”.
Deklarata e saj është bërë menjëherë virale në rrjetet sociale, ku përdoruesit kanë reaguar me komente të ndryshme, duke diskutuar si për natyrën e pyetjes, ashtu edhe për përgjigjen e sinqertë të modeles.
Gjoka është një nga vajzat më aktive në rrjetet sociale, e njohur për fotot provokuese, stilin e guximshëm dhe qëndrimet pa filtra, të cilat shpesh e vendosin në qendër të vëmendjes së mediave rozë.