Në kuadër të përshkallëzimit të tensioneve në Kosovë, zëdhënësi i Kremlinit Dmitry Peskov tha se duhet të mbrohen të gjitha të drejtat dhe interesat legjitime të popullatës serbe.
“Ne mbështesim pa kushte Serbinë dhe serbët. Moska po monitoron nga afër trazirat në Kosovë” theksoi ai.
NATO ka dërguar 700 trupa të tjerë në Kosovë, ndërsa ka vënë në gatishmëri të lartë një batalion tjetër. Rreth 4000 trupa të NATO-s tashmë janë të vendosura në Kosovë.
Presidenti i Serbisë ka vënë në gatishmëri ushtrinë serbe dhe ka urdhëruar njësitë ushtarake të avancojnë drejt kufirit. Rusia nga ana tjetër ka fajësuar Kosovën dhe vendet perëndimore për përshkallëzimin e tensioneve.