Kosova do të përfshihet sot nga mot kryesisht i vranët, i shoqëruar me intervale me diell, ndërsa në disa zona priten edhe riga të izoluara shiu.
Sipas Institutit Hidrometeorologjik të Kosovës, vranësirat do të jenë të pranishme gjatë ditës, duke krijuar kushte që lokalisht të ketë reshje të lehta shiu.
Temperaturat minimale do të lëvizin ndërmjet 13 dhe 17 gradë Celsius, ndërsa maksimalet do të arrijnë nga 30 deri në 34 gradë Celsius.
Ndërkohë, do të fryjë erë nga drejtimi i veriperëndimit me shpejtësi prej 1 deri në 11 metra në sekondë.