Nënkryetari i LDK-së, njëkohësisht kryetar i Komunës së Pejës, ka hedhur dyshime se kryeministri i Kosovës, Albin Kurti është marrë vesh me presidentin e Serbisë, Aleksandër Vuçiq, për ta formuar Asociacionin e Komunave me Shumicë Serbe.
Muhaxheri tha se draft-statuti për Asociacionin, mund të jetë dorëzuar nga Kurti dhe pastaj është pranuar edhe nga Vuçiq.
“Është dashtë të jetë më i mençur se ata dhe ta dorëzojë një dokument vet. Veç nëse ky dokument është që e ka dorëzu vet dhe është dakordu me Vuëiqin, dhe na servohet si dokument i dikujt tjetër. Ka një dyshim se këta janë marrë vesh dhe tash hajt si ta paketojmë. Këtu duhet me u ngjallë dyshimi. Si është e mundur që një njeri dhe zv.kryeministër, njëri i ka votat por tjetri është i emëruar, po folin për të ardhmen e vendit. Nëse është pranu e po shihet që po, do të jetë në tavolinë edhe në qeveritë e ardhshme”, tha ai.
Muhaxheri tha se Kurti po flet ndryshe me opozitën e ndryshe siç i quajti “me militantët e tij”.
“Nga gjuha që po e përdor te opozita, shihet që është pranu, kurse te militantët thotë jo luani se pranon këtë”, tha ai.