Telenews

“Mundohen të inskenojnë një konflikt”, Kastrati tregon rrezikun që i kanoset veriut nga “Brigada e Veriut”

Ish-komandanti i Forcës së Sigurisë së Kosovës (FSK), Kadri Kastrati, ka ngritur paralajmërimet lidhur me një potencial për shpërthimin e një konfliktiti në veri të Kosovës.

Duke folur në emisionin “FIVE” të Dukagjinit, Kastrati ka theksuar rrezikun e organizatës terroriste “Brigada e Veriut” që operon në atë rajon.

Sipas Kastratit, Serbia nuk ka guximin të ndërhyjë ushtarakisht në Kosovë për shkak të pranisë së NATO-s dhe përgjegjësisë së saj për ruajtjen e kufijve. Megjithatë, ai ka paralajmëruar për aktivitetet e përgatitura të grupeve kriminale e terroriste, që përbëhen nga shtetas të Kosovës (por edhe shtetas të Serbisë) dhe veprojnë në veri (siç është “Brigada e Veriut”).

Ai ka përmendur se këta personat janë të stërvitur dhe janë sistemuar në “Brigadën e Veriut”, e cila përbëhet nga 1600 deri në 1800 persona.

“Serbia nuk e ka guximin t’ia mësyjë Kosovës ushtarakisht, sepse NATO është këtu, është përgjegjësi për ruajtjen e kufijve. Mirëpo e pamë 24 shatorin e viti të kaluar, e pamë edhe në vazhdimësi jemi duke i parë përgatitjet e njerëzve terroristëve, që janë shtetas të Kosovës, ata janë në veri. Punojnë punë të rëndoma, qoftë kameria, qoftë punë tjera në administrate dhe ata janë të përgatitur, janë të stërvitur dhe janë saktë të pozicionet apo sistemuar në ‘Brigadën e Veriut’, siç e quajnë ata, e cila numëron nga 1600 deri 1800 dhe jo është rreziku potencial që i kanoset pjesë veriore…”, ka thënë Kastrati.

Kastrati ka theksuar se këto grupe janë të organizuara dhe të pajisura me armatime personale dhe se kanë struktura të qarta komanduese.

Ai ka përmendur sulmin e 24 shtatorit të vitit të kaluar si një shembull të përpjekjeve të tyre për të destabilizuar rajonin, por që falë inteligjencës së Kosovës, miqve ndërkombëtarë dhe Policisë, kjo përpjekje është parandaluar.

Në përfundim, Kastrati ka paralajmëruar se këto grupe po planifikojnë projekte për të inskenuar një konflikt në veri të Kosovës, duke provokuar Policinë dhe KFOR-in.

“Këto janë info të sakta… dhe kjo duket saktë se e kanë një strukturë të qartë, e kanë strukturën komanduese dhe i kanë njerëzit se ku dhe kur duhet të pajisjen me armatimet personale… kështu ka qenë planifikimi edhe më 24 shtator, por falë inteligjencës tonë dhe miqve tanë dhe Policisë kjo nuk iu ka dhezë… dhe tash ta mundohen në projekte të ngjashme, por të ndryshme, që prapë të inskenojnë një luftë, një konflikt në pjesën veriore. Të shtynë Policinë dhe KFOR-in deri lumi Ibër…”, ka thënë Kastrati në “FIVE” të Dukagjinit.

source

Të ngajshme

Kurti uron kryeministrin Mickoski për pozitën e re: Mezi pres t’i forcojmë marrëdhëniet bilaterale me Maqedoninë e Veriut

Donat Hashani

Deklarata brilante e Daliqit për futbollistin e tij: “Këtij lojtari i kërkoj falje, e meriton”

Donat Hashani

Lajçak për Draftin e Asociacionit: Nuk do të propozoja kurrë diçka që nuk do ta propozoja për vendin tim

Donat Hashani