Trajneri i Gjilanit, Ismet Munishi, ka kërkuar falje për incidentin që ndodhi sot në ndeshjen mes klubit të tij dhe Ballkanit.
Munishi, tha se kërkim faljen po e bën, pasi portieri i Ballkanit, Stivi Frashëri, është siç e quajti ai “djali i jonë shqiptar dhe lojtar i joni”, teksa shtoi se marrëdhëniet mes Ballkanit e Gjilanit janë të shkëlqyera
“Asnjë individ nuk mund të hedh hije të keqe mbi Skifterat dhe Gjilanin”, ka shkruar Munishi.
Rreth incidentit ka reaguar edhe Federata e Futbollit e Kosovës, e cila tha se tash i mbetet komisioneve të kësaj federate të vendos në lidhje me rastin.