Deputetja e Partisë Demokratike të Kosovës Ganimete Musliu ka hedhur akuza në drejtim të deputetëve të pozitës.
Përmes një reagimi në rrjetin social në Facebook, Ganimete Musliu ka thënë se ata sot ikën nga seanca por që nesër nuk mund të ikin nga populli.
“Sot ikën nga seanca por nesër nuk do të mund te ikin nga populli. Shumica parlamentare është në luftë me vetveten. Arsyeja i thërret të votojnë për Trustin, ndërsa lideri i tyre suprem i thërret për rezistence” ka shkruar Musliu.
Sot në Kuvendin e Kosovës nuk është votuar për Projektligjin për tërheqjen e 30 % të mjeteve nga Trusti pasi që seancë është ndërprerë në mungesë të kourumit.