Ndihmës trajneri i Anglisë, Steve Holland e krahasoi cilësinë “unike” të Jude Bellingham me Lionel Messin.
Bellingham ka rënë në sy deri më tani në Kupën e Botës në Katar, me paraqitjet e tij që impresionojnë përtej golit të vetëm dhe asistimit në emër të tij.
Holland, i cili ka punuar për Jose Mourinhon dhe Antonio Conten, dhe ka qenë pjesë e stafit drejtues të Chelseat, fitues i Ligës së Kampionëve në vitin 2012, krahasoi mentalitetin e 19-vjeçarit me superyllin argjentinas Messi.
“Ai është unik”, ka thënë fillimisht Holland për Guardian.
“Ne kemi folur për Messin dhe ato teknika të veçanta. Ajo që i bën të mëdhenj, të parët është mentaliteti, ambicia çdo ditë për të shtyrë dhe për të qenë konkurrues”.
“Kishte disa në Chelsea që ndjeva se ishin gjithmonë aty në stërvitje. Lojtarë që nuk ishin fizikisht ose super të talentuar teknikisht, por aspekti mendor i çoi ata në një nivel tjetër të performancës. Jude i ka ato atribute mendore”, përfundoi anglezi.