Komisionarja për Zgjerim e Bashkimit Europian, Marta Kos ka propozuar nisjen e bisedimeve me gjashtë vendet e Ballkani Perëndimor për t’i përfshirë ato në vendet pa roaming. Kos tha se kostot e roaming-ut paraqesin problem për qytetarët në vendet e Ballkanit Perëndimor.
“Tarifat e roaming-ut janë një problem në të gjithë Ballkanin Perëndimor. Për punëtorët ndërkufitarë dhe familjet që telefonojnë të dashurit jashtë vendit. Faturat e papritura gjatë udhëtimeve janë diçka që ne nuk e pranojmë më në BE. Sot, ne propozuam të fillojmë bisedimet për ta shtrirë këtë në Ballkanin Perëndimor”, shkroi ajo në një postim në X.
Roaming charges are a problem across the Western Balkans. For cross-border workers and families calling loved one abroad.
Surprise bills when travelling are something we no longer accept in the EU.
Today, we proposed to start talks to extend this to the Western Balkans. pic.twitter.com/jzenTQgEEO
— Marta Kos (@MartaKosEU) February 25, 2026
Propozimi është që vendet e Ballkanit Perëndimor të përfshihen në programin e Bashkimit Europian “Roam Like at Home”, që nuk kërkon tarifa shtesë. Kjo u jep mundësi përdoruesve të telefonisë mobile t’i përdorin telefonat e tyre në shtetet e tjera anëtare me të njëjtat çmime si në vendin e tyre