Një incident ka ndodhur mbrëmë pas mesnatës në Gjakovë, ku një person është futur me traktor në parkun e qytetit dhe për pasojë është dëmtuar objekti i “TV Syri” dhe një lokal tjetër, raporton Gazeta Sinjali.
Sipas informacioneve të para, dyshohet se personi në fjalë e ka dëmtuar qëllimisht objektin e “TV Syri”
Në vendin e ngjarjes kanë dalë njësitet e Policisë dhe kanë kryer të gjitha procedurat e nevojshme në lidhje me rastin.
I dyshuari është arrestuar dhe është dërguar në mbajtje për 48-orë.
Policia në koordinim me Prokurorinë tashmë kanë nisur hetimet ndaj të dyshuarit, për veprën penale “Asgjësimi apo dëmtimi i pasurisë”.
Rastin për Sinjalin e kanë konfirmuar edhe nga Policia e Kosovës, të cilët kanë bërë të ditur se i dyshuari ka qenë në gjendje të dehur.
The post Në gjendje të dehur dëmtoi qëllimisht me traktor objektin e “TV Syri”, arrestohet i dyshuari në Gjakovë appeared first on Sinjali.