Liderët e vendeve anëtare të Bashkimit Evropian nesër në një samit në Bruksel do të diskutojnë luftën në Ukrainë, krizën energjetike dhe forcimin e kapaciteteve mbrojtëse të bllokut.
Këshilli Evropian do të shqyrtojë vazhdimin e ndihmës politike, ushtarake dhe humanitare për Ukrainën dhe rivendosjen e infrastrukturës jetike në atë vend me qëllim tejkalimin e kushteve të dimrit, u njoftua në faqen e internetit të Komisionit Evropian.
Në samit duhet të konfirmohen konkluzionet për zgjerimin në Ballkanin Perëndimor dhe statusin kandidat për Bosnje-Hercegovinën, të cilat u miratuan nga Këshilli i BE-së të martën.