Benjamin Netanyahu ka thënë se Izraeli do të vazhdojë me ofensivën e tij në Gaza, e cila deri më tani ka kushtuar 30,800 jetë palestinezë, duke përfshirë edhe në Rafah, pavarësisht nga presioni ndërkombëtar.
Reuters raporton se kryeministri izraelit tha:
Ka presion ndërkombëtar dhe është në rritje, por veçanërisht kur presioni ndërkombëtar rritet, ne duhet të mbyllim radhët, duhet të qëndrojmë së bashku kundër përpjekjeve për të ndaluar luftën.
Ai tha se ushtria do të operojë kundër Hamasit në të gjithë Rripin e Gazës, “përfshirë Rafahun, bastionin e fundit të Hamasit”.
Ai shtoi se “Kushdo që na thotë të mos veprojmë në Rafah, na thotë të humbasim luftën dhe kjo nuk do të ndodhë”.
Gjatë fushatës ushtarake pesë mujore të zhvilluar kundër Rripit të Gazës nga Izraeli, ushtria e tij ka urdhëruar vazhdimisht popullsinë civile palestineze që të evakuohet në Rafah në jug për siguri.