Zëvendëskryeministëri i parë për Integrim Evropian, Zhvillim dhe Dialog Komisioni për Integrime Evropiane, Besnik Bislimi raporton në Komisionin për Integrime Evropiane.(Kuvendi i Kosovës, salla N302, ora 09:00)
Instituti Kombëtar Demokratik (NDI) në Kosovë mban konferencën për Integritetin e Informacionit “DISICON”, edicioni i 7-të. Pjesëmarrës do të jenë Ambasadori i SHBA-ve në Kosovë Jeffrey Hovenier, Ambasadori i BE-së në Kosovë Tomasz Szunyog, dhe zyrtarë të tjerë. (Klan Arena, ora 09:00)
Instituti i Historisë “Ali Hadri” në Prishtinë organizon Konferencën Shkencore “Kosova 1989-1999: Organizimi dhe qëndresa për çlirim”. (Amfiteatri i Institutit të Historisë, ora 09:30)
Komuna e Ferizajt organizon akademi përkujtimore dhe zbulon shtatoren e dëshmorit të UÇK-së, Besim Fazliu. (Koshare, ora 11:00)
Universiteti Publik “Kadri Zeka mban Konferencën e 3-të Vjetore Ndërkombëtare me temë “Trendet dhe Sfidat në Zhvillimin e Shoqërisë Bashkëkohore”. (Ambientet e Universitetit, ora 11:00)
Ndahet Çmimi Mjedisor për Shkolla “Dervish Roxhaja” që realizohet për herë të dytë në Kosovë në kuadër të Caritasit Zviceran projektit “Ndikimi i Rinisë në Mjedis”-YENI. (Klan Arena, ora 09:45)
Kryetari i Prishtinës, Përparim Rama, pret në takim ish-oficerët e Ushtrisë së Mbretërisë së Bashkuar, të cilët kanë marrë pjesë në hyrjen e trupave të NATO-s në Kosovë në qershorin e vitit 1999. Nderohen me çmimin “Helmeta Ilire”. (Objekti i komunës, ora 12:30)
Dita e Rinisë për Vetëvendosje “Rina për ambientin”. (Qendra e Mitrovicës dhe Vushtrrisë, ora 17:00)
Hapet ekspozita Rastislav Kostilník, “Arti përmes këndit të një diplomati” në përmbylljen e rrugëtimit të tij si diplomat i zyrës ndërlidhëse të Sllovakisë në Kosovë. (Galeria Qahili, ora 18:30)