Duke u bazuar në faktim dhe raportim duke iu përmbajtur standardeve më të larta etike, kishte publikuar shkrimin që ekspozonte se si fabrika “Cia Berto” ishte ngritur me një aferë korruptive.
“Merita Simnica, Burim Gërguri dhe Ibrahim Krasniqi përgjatë së mërkurës kanë dalë para gjykatores që të mbrohen në heshtje. Përmes korrupsionit, tre zyrtarët e Komunës së Obiliqit dyshohet se fuqizuan kompaninë “Ciao Berto”, me pronar Blerim Krasniqin, duke ia mundësuar kundërligjshëm lejen ndërtimore për ndërtimin e fabrikës”, thuhet në këtë shkrim të Gazetës Insajderi.
E ndaj këtij raportimi me fakte kishin deponuar ankesë në mekanizmin vetë-rregullues të mediave, Këshillin e Mediave (KMSHK) të përmendurit- biznesmenët Krasniqi.
Pasi që raportimi ishte i bazuar në fakte dhe duke iu përmbajtur Kodit të KMSHK-së, ky mekanizëm ka vendosur që ta rrefuzoi ankesën e tyre.
“KMShK nuk e ka miratuar (e ka hedhur poshtë) ankesën e Berto Sh.P.K. kundër Insajderi.org për shkrimin me titull “Korrupsioni mundësoi ngritjen e fabrikës ‘Ciao Berto’- Tre zyrtarë para gjyqit për favore ndaj biznesmenit Blerim Krasniqi”, duke konstatuar se nuk janë shkelur kapitujt II dhe IV të Kodit të Mediave të Shkruara të Kosovës të cilët kanë të bëjnë me raportimin e së vërtetës, përkatësisht të drejtën për t’u përgjigjur, ashtu siç pretendon pala ankuese”, thuhet në komunikatën e KMSHK-së