Një veturë është përfshirë nga flakët mesditën e sotme në oborrin e një shkolle në fshatin Gurrakoc të Istogut.
Rastin e ka konfirmuar për Gazeta Sinjali zëdhënësi i Policisë për rajonin e Pejës, Driton Rugova, i cili tha se njësitet përkatëse kanë reaguar menjëherë pas njoftimit.
“Sot rreth orës 12:45, Policia është njoftuar se është djegur një veturë në oborrin e një shkolle në fshatin Gurrakoc-Istog. Policia menjëherë kanë dalë në vendin e ngjarjes, gjithashtu edhe zjarrfikësit. Policia ka marrë veprimet e nevojshme dhe jemi në pritje të raportit të ekspertit të zjarreve”, tha ai.
Fatmirësisht, nga incidenti nuk raportohet për persona të lënduar. Policia ka nisur hetimet për të zbuluar shkaqet e zjarrit.