Kryetari i Komunës së Zubin Potokut, Izmir Zeqiri pasi janë bërë një vit që është në detyrën e kryetarit të kësaj komune, ka thënë se ndryshimi prej fillimit e deri tash është i madh.
Ai gjithashtu ka thënë se ishte sfiduese marrja e detyrës.
“Janë bërë një vit që kur jemi në detyrën e kryetarit të Komunës së Zubin Potokut, ndryshimi nga fillimi deri më tani është shumë i madh, them se bie që atëherë kur ne i morëm detyrat dhe e filluam punën u përballëm me revolta të mëdhaja të ndikuara nga shteti serb përmes grupeve kriminale, me të cilat, u ballafaquan policia, ne si kryetar e ju si gazetarë me kundërshtimet deri me gjujtjet me armë drejt nesh, mirëpo nuk kemi pësuar ndonjë lëndim,” tha Zeqiri në “Debat Plus”.
Sipas Zeqirit, detyra si kryetar i Komunës së Zubin Potokut ka qenë e vështirë në tremujorshin e parë të vitit të kaluar.
“Në Komunën e Zubin Potokut janë mbi 12 serbë të pranuara, policë të rinj dhe punojnë çdo ditë, unë e shoh një gjendje më normale, qarkullimi është më i lirë, gjendja është nën kontrollë,” shtoi Zeqiri.