Bayerni ka dominuar, por nuk ka fituar ndaj Bayer Leverkusenit. Ndeshja e klubit më të madh gjerman, Bayernit, me kampionin në fuqi, Bayer Leverkusenin, përfundoi 1:1
Ndeshja u zhvillua të shtunën mbrëma në Munih dhe i takoi xhiros së pestë të Bundesligës.
Në minutën e 31-të, Granit Xhaka pasoi bukur për Robert Andrich që kaloi në epërsi 1:0 Leverkusenin.
Menjëherë në minutën e 39-të, Bayerni barazoi në 1:1. Aleksandar Pavloviq ishte realizator. Ndeshja ishte e nivelit të lartë, por gola të tjerë nuk u shënuan.
Bayerni shfaqi shumë më tepër, por pa mundur ta konkretizojë me gol të dytë dominimin e plotë në fushë.