Rritja e shpejtë e vlerës së NVIDIA-s është e lidhur ngushtë me bumin e inteligjencës artificiale.
Gjiganti i teknologjisë NVIDIA ka hyrë në histori si kompania e parë në botë që kalon vlerën 5 trilionë dollarë në tregun financiar, duke u bërë kështu kompania më e vlefshme ndonjëherë.
Kjo arritje vjen menjëherë pas njoftimit të presidentit amerikan Donald Trump se do të diskutojë me presidentin kinez Xi Jinping mbi çështjen e çipave të avancuar Blackwell dhe eksportet e tyre drejt Kinës.
Rritja e shpejtë e vlerës së NVIDIA-s është e lidhur ngushtë me bumin e inteligjencës artificiale, që ka transformuar industrinë teknologjike dhe ka rritur kërkesën globale për procesorë grafikë të fuqishëm.
Takimi mes Trump dhe Xi pritet të zhvillohet nesër, me temat kryesore që përfshijnë tarifat tregtare dhe tensionet ekonomike mes dy fuqive.
Sipas burimeve amerikane, presidenti Trump pritet gjithashtu t’i kërkojë Xi Jinping të ushtrojë presion mbi Vladimir Putin, në mënyrë që të arrihet një marrëveshje për përfundimin e luftës në Ukrainë.