Telenews

OEK fton kompanitë kosovare të aplikojnë për Panairin e 23-të të Ekonomisë që mbahet në prill në Mostar

Oda Ekonomike e Kosovës (OEK), si pjesë e Forumit të Investimeve të Ballkanit Perëndimor (WB6 CIF), fton ndërmarrjet e vogla dhe të mesme (SME) të jenë pjesë e delegacionit të përbashkët të 30 kompanive të Ballkanit Perëndimor të cilat do të përzgjidhen për të marrë pjesë në Panairin e 23-të Ndërkombëtar të Ekonomisë në Mostar në periudhën nga 5 deri më 7 prill 2022.
Panairi i Mostarit që do të mbahet nga data 5 deri më 9 prill 2022, është panairi më i rëndësishëm në Bosnje dhe Hercegovinë, për nga numri i ekspozuesve dhe vizitorëve. Në këtë Panair, do të mbahen konferenca shumë të rëndësishme rajonale dhe ndërkombëtare, duke u ofruar ekspozuesve kombinim të ngjarjeve të panairit, takimeve B2B dhe konferencave në një vend.
Forumi i Investimeve të Ballkanit Perëndimor (WB6 CIF), ka hartuar programin e Zhvillimit të Furnizuesve për të siguruar pjesëmarrjen e NVM -ve në zinxhirët e furnizimit rajonal dhe shumëkombësh dhe krijimin e partneriteteve të reja rajonale ndërmjet kompanive të Ballkanit Perëndimor.
Në kuadër të projektit “Mbështetje e BE-së për WB6 CIF”, pjesëmarrja në Panairin Ekonomik të Mostarit do të organizohet për 30 NVM të përzgjedhura nga Ballkani Perëndimor (5 kompani për ekonomi/rajon) nga sektori bujqësor dhe agroushqimor. Kompanitë do të kenë mundësinë të marrin pjesë në një delegacion të përbashkët rajonal, të shoqëruar nga 6 distributorë të mëdhenj të shitjes me pakicë, të cilët janë të interesuar të gjejnë furnitorë potencialë nga ky sektor agroushqimor.
Meqenëse ky është panair ndërkombëtar, gjuha e punës është zyrtare e biznesit (anglisht).
Detajet e kritereve të përzgjedhjes dhe linkun e aplikimit i gjeni të bashkëngjitura në ftesën zyrtare të WB6 CIF në gjuhë angleze.
Afati i fundit për dorëzimin e aplikacioneve dhe dokumenteve mbështetëse është data 4 Mars 2022 në orën 12.
Apliko këtu: https://surveys.wb6cif.eu/index.php/277936?lang=en

Të ngajshme

Shtrenjtohet Jugu i Shqipërisë, akomodimi fillon nga 60 euro deri në…

Donat Hashani

PDK: Qeveria ia humbi Kosovës 21 milionë euro, të barabarta me 42 mijë paga mesatare

Erzana Fazliu

Qeveria ndan mbi 21 milionë euro pas humbjes së arbitrazhit me “Contour Globalin”

Erzana Fazliu