Aktori i njohur Osman Azemi po vazhdon trajtimin shëndetësor në Turqi, pas një periudhe të gjatë dhe të vështirë rehabilitimi që ka pasuar një aksident të rëndë trafiku.
Azemi ndodhet aktualisht në Stamboll, ku po i nënshtrohet një procesi të specializuar mjekësor për t’u rikuperuar nga pasojat e aksidentit.
Në një postim nga spitali, Azemi ka ndarë një moment nga vizita e tij, ku shihet i pranishëm me Konsullen e Përgjithshme të Kosovës në Stamboll, Suzan Novobërdaliu, e cila e vizitoi aktorin së bashku me stafin e saj. Vizita e Konsullatës reflekton mbështetje dhe solidaritetin me Azemin gjatë këtij procesi të vështirë shëndetësor.
